Америка Кошмо Штаттарынын Геологиялык кызматы (USGS) эпицентр 28 км тереңдикте, 523 миңге жакын адам жашаган аймакта жайгашканын маалымдады.
Саманган провинциясынын саламаттыкты сактоо департаментинин өкүлү Самим Джоянда Reuters’ке дүйшөмбү күнү таңга жуук 150 жабырлануучу жана жети каза болгон адам катталганын, алар медициналык мекемелерге жөнөтүлгөнүн айтты.
Ал ошондой эле, бул маалыматтар ушул убакка чейин ооруканалардан алынган маалыматтарга негизделгенин кошумчалады.
Балх провинциясынын расмий өкүлү Хаджи Заиддин айтымында, жер титирөө Мазари-Шарифтеги белгилүү Көк мечитке да жарым-жартылай зыян келтирген.
Афганистандын табигый кырсыктарды жоюу боюнча улуттук агенттиги жабырлануучулар жана кыйроолор тууралуу көбүрөөк маалымат кийинчерээк берилерин билдирди. Учурда Reuters агенттигине зыяндын көз карандысыз тастыктамасын алуу мүмкүн болгон жок.
Социалдык тармактарда, анын ичинде X платформасында, куткаруу операцияларынын видеолору жана кыйраган имараттардын сүрөттөрү пайда болду. Бир видеодо куткаруучулар жабырлануучулардын денелерин урандылардан чыгарып жатканын көрүүгө болот.
Мурда, августта, Афганистандагы жер титирөө жана андан кийинки афтершоктордун натыйжасында, талибдердин маалыматы боюнча, миңдеген адамдар каза болуп, дагы көптөгөн адамдар жаракат алган.
Ошондой эле, соккулар Тажикстан жана Өзбекстан сыяктуу коңшу өлкөлөрдө да сезилгендиги маалымдалууда.
