Алдын ала маалыматка ылайык, эпицентр Тогуз-Булак айылынан 20 чакырым түштүк-батышта жана Конур-Олен айылынан 20 чакырым түштүк-чыгышта, Кыргызстан аймагында жайгашкан. Ошондой эле, Боконбаево айылынан 35 чакырым түштүк-батышта орун алган.
Жер титирөөнүн интенсивдүүлүгү Тогуз-Булак жана Конур-Олен айылдарында болжол менен 3 баллды түзгөн.
Сейсмология институтунун сүрөтү
Мындан тышкары, Сейсмология институтунун маалыматына ылайык, 22-октябрда эки жер титирөө катталды:
- Биринчи 13:33тө 3 балл күчүндө болуп, эпицентри Озгоруш айылынан 30 чакырым түштүк-чыгышта, Нарындан 62 чакырым түштүк-чыгышта жайгашкан;
- Экинчи 20:04тө 3,5 балл күчүндө катталып, эпицентри Озгоруш айылынан 25 чакырым түштүк-чыгышта, Нарындан 55 чакырым түштүк-чыгышта орун алган.
