Аскаров Тендик Аскарович (1937), философия илимдеринин доктору (1993), КР НАНнын корреспондент-мүчөсү (2000).Кыргыз. Жалал-Абад облусунун Токтогул районунун Конур-Огуз айылында төрөлгөн. КГУнун (1960) жана Кыргыз ССРинин ИФиПинин аспирантурасын (1963) аяктаган.
Илимий кызматкер, ИФиПтин илимий катчысы, «Кыргызстан маданияты» жумадык гезитинин башкы редакторунун орун басары, пропаганда жана агитация бөлүмүнүн орун басары, Кыргызстандын Коммунисттик партиясынын Маданият бөлүмүнүн орун басары, Кыргызстандын жазуучулар союзунун төрагасы, сектордун башчысы, 1996-жылдан тартып - ИФиП КР НАНнын бөлүмүнүн башчысы болуп иштеген.
Эстетика, көркөм маданияттын философиялык маселелери (социалдык философия, философиянын тарыхы) боюнча адис. Элдердин Достугу ордени, Ардак белгиси, СССРдин медалдары, Кыргыз ССРинин Жогорку Кеңешинин Ардак грамоталары менен сыйланган.
КРдин эмгек сиңирген маданият ишмери (1995). 250дөн ашык илимий эмгектери, анын ичинде 4 монографиясы жарыяланган. Анын жетекчилиги астында 1 докторлук жана 3 кандидаттык диссертация корголгон.
Негизги эмгектери:
1. Көркөм шарттуулуктун эстетикалык табияты. Фрунзе, «Илим», 1966.
2. Жетилүүгө көтөрүлүү. Фрунзе, «Кыргызстан», 1976.
3. Элдердин биримдиги - маданияттардын биримдиги (украин тилинде, авторлоштукта). Днепр, Киев, 1978.
4. Көркөм шарттуулук - эстетикалык көрүнүш катары Лениндин чагылдыруу теориясынын жарыгында. Фрунзе, «Кыргызстан», 1984.
5. Эстетикалык жаңы сапаттарга. Фрунзе, «Кыргызстан», 1980.
