Ирандын жарандык авиация уюмунун маалыматы боюнча, эми өлкөнүн аба мейкиндигинде транзиттик рейстерге, ошондой эле жарандык учактардын учуп кетүүсүнө жана келүүсүнө уруксат берилди. Бул тууралуу РИА Новости билдирет.
Эскерте кетсек, бейшемби күнү түнү Flightradar24 сервиси Ирандын аба мейкиндигинин эки сааттан ашык жабык экенин каттаган. Бул чечим кырдаалдын начарлашына жана АКШ тараптан мүмкүн болгон чабуулдарды күтүүгө байланыштуу кабыл алынган. Бул убакта атайын уруксаттар менен гана эл аралык рейстер кабыл алынган.
«Ирандын үстүндөгү асман транзиттик рейстер үчүн жана аэропорттордогу жүргүнчүлөргө кызмат көрсөтүү үчүн ачык», - деп айтылат Ирандын мамлекеттик телерадиокомпаниясы тарабынан берилген расмий билдирүүдө.
