Транспорт министрлигинин маалымат кызматынан билдиришкендей, жолугушууда транспорттук кызматташтыкты өнүктүрүү жана эл аралык жүк ташууларды кеңейтүү маселелерине негизги көңүл бурулду. Кыргызстан 2026-жылга карата транзиттик жүк ташуулар үчүн 1000 уруксат кагазын алмашууну сунуштады, бул афган тараптан колдоо тапты.
Афганистан жооп катары транзит боюнча эки тараптуу келишим түзүүнү сунуштады. Ошондой эле жүк ташууларын камсыз кылуу жана Кыргызстан үчүн Афганистан аркылуу Иран жана Пакистанга транзиттик маршруттарды пайдалануу боюнча кызыкчылыктар талкууланды.
