Окуя катталгандан кийин, Транспорт жана байланыш министрлигине караштуу «Кыргызавтожол–Юг» мамлекеттик ишканасына кирген №38 жол кызматы тез арада жолду тазалоо жана коопсуздукту камсыз кылуу иштерине киришти.
Мамлекеттик мекемеден алынган маалыматка ылайык, аталган участкта кыймыл толугу менен калыбына келтирилген. Жаракат алгандар жок.
Жүргүнчүлөргө жолдо этият болуу сунушталды.
Кийин Транспорт министрлигинин басма сөз кызматы таш кулагандыктан жабыркагандар жок экенин жана кыймыл эки тарапка ачылганын билдирди.
"15-декабрда, болжол менен саат 08:00дө Бишкек—Ош автожолунун 427ден 451 км аралыгында, жаандан улам тоодон таштар жолго кулап, бир унаанын алдыңкы бөлүгүн зыянга учуратты", — деп айтылат билдирүүдө.
Окуя болгон жерге «Кыргызавтожол-Юг» мамлекеттик ишканасына караштуу жол эксплуатациялоо ишканасынын (ДЭП) кызматкерлери жана атайын техника жөнөтүлдү. Зыянга учураган унаа камсыздандырылган, жана зыян камсыздандыруу компаниясы тарабынан жабылат», — деп белгиленди басма сөз кызматында.
