Бул маалыматты жолдорду пайдалануучу ишкананын жетекчиси Азизбек Дыйканов билдирди.
Анын айтымында, карга такалып калган 40ка жакын унааны бошотууга мүмкүн болду. Учурда ички жолдор кайрадан кыймыл үчүн ачылды.
«Каракол—Раздольное жана Боз-Учук—Жыргалаң автожолдорун 10-декабрда шамалдан улам жабылган. Биз жергиликтүү бийлик менен биргеликте карга такалып калган унааларды эвакуациялоого жардам бердик. Түнкүсүн шамал тынчый баштаганда, биздин кызматкерлер жолдорду тазалоого киришти жана үзгүлтүксүз иштешти. Бүгүнкү күндө айылдарга алып бараткан бардык жолдор ачылды. Ошондой эле Каракол—Эңилчек жолундагы ашууларды тазалоо ишин баштадык. Бүгүнкү күнү аймакта ачык аба ырайы орноодо», - деди А.Дыйканов.
Мурда Кыргызгидромет 8-декабрдан тартып өлкөдө катуу суук болорун: кар, шамал жана туман күтүлүп жатканын билдирген.
10-11-декабрда температуранын төмөндөшү күтүлүүдө:
Нарын облусунда, айыл чарба зонасында, түнкүсүн температура -18…-23° чейин төмөндөшү мүмкүн, ал эми күндүз -6…-11° түзөт.
8-10-декабрь аралыгында күтүлгөн жаан-чачындарды эске алганда, Кыргызстандагы тоолуу райондордо, ошондой эле Ала-Бука—Каныш-Кыя (Чапчыма ашуусу) автожолунун 68-74 км, Красная Горка—Ак-Таш автожолунун 03 км жана Мырза-Аке—Кара-Кулжа—Алайкуу автожолунун 65-110 км аралыкта кар көчкү, кар жаап, кар катмары жана муз тоңуу көрүнүштөрү болушу мүмкүн.
