Өткөн жекшемби күнү Монголиянын түштүк аймагы Дундговьда «Тэмээн дээрээс наран ойрхон» («Түйөнүн аркасынан күнгө жакын») аттуу түйө фестивалы өттү. Бул фестивал туризмди өнүктүрүү жана түйө багуунун маданиятын келечек муундар үчүн сактоо максатында уюштурулган. Бул тууралуу MiddleAsianNews маалымдады.
Фестиваль Монголиянын президенти Хурэлсух Ухнаа тарабынан колдоого алынып, маданият, спорт, туризм жана жаштар министрлиги, ошондой эле азык-түлүк, айыл чарба жана жеңил өнөр жай министрлиги тарабынан уюштурулуп, аймактын губернаторунун канцеляриясы менен кызматташтыкта өткөрүлдү.
Эки күнгө созулган иш-чарага кочмолордун ар кайсы бурчтарынан келген жүздөгөн түйө багуучулар жана алардын түйөлөрү катышты.
Фестивальдын алкагында түйө жарыштары, түйөдө поло ойноп, түйөлөрдүн парады, түйөдөн жебе атуу, эстафета жарыштары жана түйө багуу продукцияларынын көргөзмөсү сыяктуу ар түрдүү иш-чаралар өткөрүлдү.
Фестивальда Монголиянын эң бийик түйөсү, бийиктиги 3 метр 6 сантиметрге жеткен түйө көрсөтүлдү.
Фестиваль ошондой эле чет өлкөлүк элчилердин көңүлүн бурду, алар иш-чарага катышты.
Акыркы маалыматтарга ылайык, 2025-жылы Монголиядагы түйөлөрдүн саны 501 000ден ашат деп күтүлүүдө.
Дундговь өлкөнүн түштүгүндө, Улан-Батордон болжол менен 240 км алыстыкта жайгашкан.
