
Окуя болгон жерде төрт өрт өчүрүү бөлүмү иштеп жатат
Баткен облусунун Бургонду айылында мунай өндүрүү станциясында өрт чыкты. Бул тууралуу Өзгөчө кырдаалдар министрлиги (ӨКМ) маалымдады.
Министрликтин маалыматына ылайык, 09:47де өрт чыккан жерге өрт өчүрүүчүлөр жөнөтүлгөн. Учурда окуя болгон жерде төрт өрт өчүрүү бөлүмү иштеп жатат.
ӨКМ кийинчерээк кошумча маалымат берүүгө убада кылды.