Архивдик сүрөт. Прокурорлор Стамбулдун мурдагы мэри Экрем Имамоглу үчүн 2352 жылга чейин түрмөгө камоону талап кылышууда
Башкы прокурор Акын Гюрлек тергөө аяктаганын жана айыптоо корутундусу 3900 бетти камтыганын, анда Имамоглу башчылык кылган кылмыштуу топту уюштурууда шектелген 402 адамдын аты аталганын билдирди. Учурда алардын 105и камакта.
Корутундуда аталган 143 кылмыш эпизодунан прокурорлор 12 пара берүү, 7 акча жуу жана 7 алдамчылык учурларын белгилешти.
Генералдык прокуратура Имамоглу үчүн 828ден 2352 жылга чейин эркинен ажыратууну сурана турганын маалымдады.
Эскерте кетсек, 2025-жылдын июль айында, Түркиянын президенти Режеп Таййип Эрдоганга негизги каршылаш болгон Экрем Имамоглу "жарандык уятсыздык" жана прокурор Акын Гюрлекке "коркутуулар" боюнча 1 жыл 8 ай түрмөгө кесилген. Анын билдирүүлөрүнүн конкреттүү деталдары ачыкка чыгарылган эмес.
Маалыматка ылайык, Имамоглу 2025-жылдын 19-мартында кармалган, бул Түркияда массалык нааразычылыктарды жараткан. Ошол эле учурда, ал мэрлик кызматынан четтетилип, пара берүүдө шектелген. 53 жаштагы Имамоглу 2028-жылдагы шайлоодо президенттик кызматка негизги талапкер катары каралган.
Түркиянын негизги оппозициялык партиясы РНП анын президенттик шайлоодогу талапкерлигин бекитти.
