Прокурор Лор Бекко тактагандай, кармоо операциялары шейшемби күнү түн ичинде болуп, Париждин өзү менен чектелбестен, анын айланасындагы аймактарды, анын ичинде Сен-Сен-Дени да камтыган.
Камакка алынгандардын арасында музейдин видеокөзөмөл камераларына түшүп калган топтун болжолдуу мүчөсү бар. Мурда эки башка шектүү кармалган, алар өз күнөөсүн жарым-жартылай мойнуна алышкан. Жаңы кармалгандардын текшерүүсүндө мобилдик телефондор жана шифрленген билдирүүлөрдү чечүүгө жардам бере турган башка буюмдар алынган.
Ошондой эле, камакка алынгандардын бири боюнча ДНКнын кылмыш болгон жерден табылган үлгүлөр менен дал келиши мүмкүн экени белгиленди. «Биз негизги шектүүнү байкап жаттык», — деди Лор Бекко.
Учурда тергөө музейдин ичинен уурулук уюштурулган версиясын карап жаткан жок, анткени Луврдын кызматкерлери кылмышка тиешеси жок.
Окуядан кийин музей өз коопсуздугун күчөтүп, зергердик коллекциясынын бир бөлүгүн Франция Банкынын сактоосуна өткөрдү, азыр ал корголгон жер астындагы сактоочу жайда турат.
Эскерте кетсек, мурда маска кийген куралдуу кылмышкерлер Луврга оңдоп-түзөө иштери жүрүп жаткан аймактан уурдалган жүк лифтин пайдаланып киришкен. Алар зергердик буюмдар коюлган Аполлон Галереясына түздөн-түз көтөрүлгөн.
Уурулар Наполеон менен императрицага таандык коллекциядан тогуз буюмду уурдап кетүүгө жетишишкен, анын ичинде мончок, диадема жана брош.
Кылмышты жасоого болгону жети мүнөт кеткен: уурулуктан кийин алар скутерлер менен качып, андан кийин унааларга отуруп, чыгышка кеткен. Баалуу буюмдар бүгүнкү күнгө чейин табылган жок.
