Бул тоноо 19-октябрда болуп өттү, ал учурда кылмышкерлер Аполлон галереясына тез кирип, тогуз тарыхый баалуу буюмдарды уурдап кетишти. Уурдалган буюмдардын баасы болжол менен €88 миллионду түзөт.
Музейден императрица Мария-Луизге таандык зергер буюмдар, ошондой эле королева Мария-Амалиянын жана голландиялык королева Гортензия де Богарненин коллекциясынан үч зергердик буюм жана императрица Евгениянын коллекциясынан төрт буюм уурдалган.
Тергөө маалыматтарына ылайык, кылмышка төрт адамдан турган топ катышкан. Эки шектүү 26-октябрда, жекшемби күнү кармалган. Эки кармалган адам да кылмыштуу тажрыйбага ээ, мурда уурулук үчүн соттолгон. Алардын бири — 34 жаштагы алжирлик, Обервильде жашайт, ал жеткирүүчү болуп иштегенин билдирүүдө. Экинчи адам да ошол аймакта жашап, жеткирүү менен алектенген.
Прокурор Беккуо эки эркекке уюшкан тоноо жана кылмыштуу келишим боюнча айып коюлганын билдирди. Ал уурдалган баалуу буюмдар азырынча табылбаганын да белгиледи.
Луврдагы тоноодон кийинки күнү дагы бир кылмыш болду — Француз жазуучусу жана философу Дени Дидрого арналган музейде, Лангре шаарында, Жогорку Марна департаментинде дагы тоноо болду.
