Факт катталып, алынган предметтер экспертизага жөнөтүлдү. Анализдин жыйынтыгында табылган зат каннабис смоласы (гашиш) болуп, салмагы 4,56 г жана 4,49 г экендиги аныкталды.
Бул окуя боюнча Кыргыз Республикасынын Кылмыш кодексинин 282-беренеси ("Наркотикалык заттарды, психотроптук заттарды жана алардын аналогдорун мыйзамсыз даярдоо, сатуу максатынсыз") боюнча кылмыш иши козголду.
Кийинки тергөө иш-чараларынын жүрүшүндө И.А. уюшкан кылмыштуу топтун мүчөсү катары Ички иштер министрлигинде каттоодо турганы жана бир нече соттолгондугу белгилүү болду. Ошондой эле, ал наркотикалык заттарды Аламудун районунун бир айылында жашаган ОПГнын башка мүчөсү Б.А.дан сатып алгандыгы аныкталды.
Б.А.нын үйүндө башка тыюу салынган заттардын болушу мүмкүн экенин текшерүү үчүн шашылыш тинтүү жүргүзүлдү. Тинтүү учурунда 5,6 грамм салмактагы өзгөчө жыты бар кара-жашыл зат (гашиш) табылды.
Күдүктөр Б.А. (1986 ж.т.) жана И.А. (1990 ж.т.) убактылуу кармоо жайына киргизилди.
Тергөө иштери уланууда.
