Муниципалдык «Бишкек шаардык транспорт» ишканасынын маалыматы боюнча, инцидент 7-декабрда күндүзкү саат 12 чамасында болгон.
Алдын ала маалыматтар боюнча, автобустун айдоочусу Х. Турдиев Байтик Баатыр көчөсү боюнча түндүк тарапка кетип бараткан. Москва көчөсү менен кесилиште, болжол менен 40-45 жаштагы аял, светофордун тыюу салынган сигналына карабай, жолго чыгып кеткен, бул автобустун жөө адамга уруп кетишине алып келген.
«Окуя болгон жерге тез жардам бригадасы чакырылды, ал жабыркаган аялды оор абалда шаардык ооруканасына жеткирип барды. Автобустун жүргүнчүлөрү жабыркаган жок», — деп билдиришти мэриядан.
