11:08де Бишкек ШИИБинин «102» кызматына Telegram мессенджери аркылуу шаардагы бир нече мектепте мүмкүн болгон террордук акты тууралуу маалымат келип түштү. Тизмеде төмөнкү окуу жайлары көрсөтүлгөн: № 24, 44, 15, 10 жана Kings International School жеке мектеби.
Бишкек ШИИБинин пресс-кызматы алынган бардык маалыматтар боюнча райондук ички иштер башкармалыктарынын маалымат каттоосунда тиешелүү материалдар катталганын жана алдын ала текшерүү иштеринин башталганын тастыктады.
Райондук ИИБдин тергөө-оперативдик топтору дароо окуя болгон жерлерге жөнөп кетишти. Окуу жайлары эвакуацияланды, алардын аймактары коргоп алынды. Жерде коркунучту текшерүү үчүн кинологдор иштеп жатышат.
Кошумча маалымат кийинчерээк берилет.
