Бүгүн бир нече билим берүү мекемелеринде, анын ичинде № 24, 44, 15, 10 мектептеринде жана Kings International School жеке мектебинде террордук акттын болушу мүмкүн экендиги тууралуу маалымат пайда болду.
Бишкектин Ички иштер башкармалыгынын маалымат кызматынын маалыматына ылайык, мүмкүн болгон коркунуч тууралуу телефон чалуу 102 кызматына 11:08 чамасында келип түшкөн. Анда Telegram мессенджери аркылуу алынган билдирүүлөр тууралуу айтылган.
«Бардык көрсөтүлгөн фактылар райондук ички иштер башкармалыктарынын окуяларды каттоо журналында катталган. Текшерүүлөр жүргүзүлүүдө», — деп билдиришти мекемеден.
Окуя болгон жерге райондук ИИБнин тергөө-оперативдик топтору жөнөтүлдү. Билим берүү мекемелери жана алардын окуучулары эвакуацияланды, ал эми тегерек аймактар коргонууга алынды. Операцияга кинологдор да катышууда.
