Берилген маалыматка ылайык, 17:46да «102» авариялык кызматтардын номерине жабык номерден белгисиз адам телефон чалып, супермаркеттер тармагында жардыруучу түзмөк коюлганын, анын кайда экенин так айтпай, билдирген.
Бул факт боюнча шаардагы төрт райондук Ички иштер башкармалыгында текшерүү башталды. Окуя болгон жерлерде патрулдук-күзөт кызматынын кызматкерлери, ошондой эле коомдук коопсуздукту камсыздоо боюнча топтор, тергөөчүлөр жана кинологдор иштеп жатышат.
Сатуу жайлары, кампалар жана аларга жакын аймактар текшерилүүдө. Текшерүүнүн жыйынтыгы боюнча кошумча маалыматтар жарыяланат.
