Берилген маалыматка ылайык, окуя Бородина көчөсүндө башталган, ал жерде айдоочу мопед менен кагылышып, андан кийин кырсыктын ордунан кетип калган.
«Бир аз убакыттан кийин ал кайра кырсыкка учурады — Жибек Жолу жана Фучик көчөлөрүнүн кесилишинде анын унаасы Kia Morning менен кагылышты. Экинчи кагылышуудан кийин айдоочу бир мүнөт токтоду. Патруль кызматкерлери ага жакындап, унаадан чыгууга суранышканда, ал талапты эске албай, качууга аракет кылган. Патруль кызматкерлери аны Турусбеков жана Чуйков көчөлөрүнүн кесилишинде кармашты. Текшерүү көрсөткөндө, ал алкогольдук мас абалда болгон», — деп айтылат расмий билдирүүдө.
Кармалган адамга карата мыйзам бузуулар боюнча керектүү протоколдор түзүлгөн.
