Маалыматка ылайык, рейд өткөрүү учурунда Chevrolet унаасынын айдоочусу милиция кызматкерлеринин токтоосун талап кылган буйругун эске албай, качууга аракет кылган. Бирок ыкчам аракеттердин жардамы менен унааны токтотуп, мыйзам бузучуну кармоо мүмкүн болду.
Текшерүү учурунда кармалган адамда унаа башкарууга керектүү бардык документтер, анын ичинде айдоочулук күбөлүк жок экени аныкталды. Ошондой эле 68,7 миң сомдук төлөнбөгөн айыппулдардын бар экени маалым болду.
Учурдагы мыйзамга ылайык, айдоочуга милициянын талаптарына баш ийбегендиги жана тиешелүү документтердин жоктугу үчүн 7,5 миң сомдук айыппул салынды. Унаа айып тута турган жайга коюлду.
