Берилген маалыматка ылайык, рейд учурунда Chevrolet унаасын айдаган айдоочу милиция кызматкерлеринин мыйзамдуу талабын аткарбай, окуя болгон жерден качууга аракет кылган. Бирок укук коргоо органдарынын ыкчам аракеттеринин аркасында, унааны токтотуп, мыйзам бузучуну кармоо мүмкүн болду.
Текшерүү жүргүзүлгөндө кармалган адамда унаа башкаруу үчүн зарыл болгон документтер жок экендиги аныкталды. Мындан тышкары, анын 68,7 миң сомдук айыптары боюнча карызы бар.
Мыйзамга ылайык, токтотуу талабына баш ийбегендиги жана документтердин жоктугу үчүн айдоочуга 7,5 миң сом өлчөмүндө айып пул дайындалды. Унаа айып туруу жайына коюлду.
