Россиянын ТЖМ пресс-кызматынын сүрөтү. М-5 «Урал» трассасында үч жеңил унаа кагылышып, үч Кыргызстандын жараны каза болду
Сырткы иштер министрлигинин маалыматына ылайык, каза болгондордун арасында 1977-жылы туулган Ж.Ж.М., 1997-жылы туулган Э.А.А. жана 2023-жылы төрөлгөн бала бар. Кыргызстандын дагы эки жараны көптөгөн жаракаттар менен облустук медициналык мекемелерге жаткырылды.
Кыргызстандын Россиядагы элчилиги каза болгондордун жана жабыркагандардын туугандары менен, ошондой эле Россия Федерациясынын укук коргоо органдары менен байланышкан. Каза болгондордун денелерин мекенине алып кетүү маселеси талкууланууда жана кырдаал дипломатиялык миссиянын көзөмөлүндө.
Сырткы иштер министрлиги жарандарды Россияга жеке унаа менен сапар пландаштырууда коопсуздук чараларын жана аба ырайын эске алууга чакырат.
