Жол кыймылынын коопсуздугун камсыздоо башкармалыгынын маалымат кызматына ылайык, окуя 12-декабрда болжол менен саат 17:00дө Бишкек - Ош трассасынын 15-километринин аймагында болгон. "Мерседес Бенц" унаасынын айдоочусу авто базардан чыгып, жол эрежелерин бузуп, борборго карай бурулууну жасап жатканда, ага "Хундай Палисад" унаасы урунуп кеткен.
Токмоктошуу натыйжасында "Мерседес" унаасынын айдоочусу жана жүргүнчүсү каза болду. "Хундай" унаасынын айдоочусу жана жүргүнчүсү ар кандай жаракаттарды алып, тез арада Сокулук райондук ооруканасына жеткирилди.
