Бишкек ШИИБинин маалыматына ылайык, 2026-жылдын 2-январында саат 03:00 чамасында "102" номерине мушташ тууралуу сигнал түшкөн. Бул окуя Свердлов районунун ШИИБинин каттоо журналына катталган.
ШИИБдин УПСМ кызматкерлери Свердлов районунун ШИИБине төрт кызды алып келишти: К. М. (2001-жылы туулган), А. Н. (2004-жылы туулган), М. М. (2004-жылы туулган) жана Б. Р. (2001-жылы туулган). Окуя боюнча бардык материалдар Коомдук коопсуздук кызматына өткөрүлдү.
Кыздар Кыргыз Республикасынын укук бузуулар кодексинин 126-беренеси "Кичине хулигандык" боюнча жоопкерчиликке тартылды жана Свердлов районунун ШИИБинин убактылуу кармоо жайына жайгаштырылды.
Ошондой эле А. Н.га мүлктү бузуу боюнча иш катталды. Учурда текшерүү жүргүзүлүүдө.
