Социалдык тармактарда мугалимдин окуучуга күч колдонгон учурду тарткан видео пайда болду.
Учурда териштирүү жүргүзүлүүдө, зарыл экспертизалар дайындалды, анын ичинде болгон окуянын бардык чоо-жайы аныкталууда.
Териштирүүнүн жыйынтыгы боюнча мугалимдин аракеттери Кыргызстан мыйзамдарынын чегинде бааланат.
Зардап чеккен окуучунун ата-энеси арыз жазбоо жана мугалимге доо койбоо чечимин кабыл алышканын белгилеп өтүү керек.
Териштирүү уланууда.
Мугалим окуя 14-январда болгонун айтып берди. «Мен теманы бир нече жолу түшүндүрдүм, бирок ал жооп бере алган жок. Мен капа болуп, аны урдум. Окуучунун ата-энесинен жана бүт Кыргызстандан кечирим сурайм», - деди ал.
Билим берүү министрлиги Ички иштер министрлиги менен биргеликте бул окуянын бардык жагдайларын аныктоо үчүн текшерүү баштады. Бишкек шаардык мэриясынын Билим берүү департаменти №87 мектептеги кырдаалды талдоо үчүн атайын комиссия түздү.
