Социалдык тармактарда Аламедин айылында жайгашкан жеке үйдө жаштарга карата зомбулук көрсөтүлгөн учурларды тарткан видео пайда болду. Бул видео кеңири коомдук резонанс жаратты.
Окуяга байланыштуу Кыргыз Республикасынын Кылмыш кодексинин 280-беренеси боюнча кылмыш иши козголду. Шектүү, 1993-жылы төрөлгөн Ф.В., кармалып, убактылуу кармоо жайына жайгаштырылды. Учурда тергөө иштери жүргүзүлүүдө.
Свердлов районунун Ички иштер башкармалыгынын кызматкерлери физикалык же психологиялык зомбулуктун, агрессиянын жана адамдын кадыр-баркын төмөндөтүүнүн бардык формалары, ошондой эле башка мыйзамсыз аракеттер өлкөнүн мыйзамдарына ылайык жоопкерчиликке тартыларын эскертет.
