Ведомствонун маалыматына ылайык, социалдык тармактарда "Константиновка" деген жазуусу бар белгилерге жаштар тобу тарабынан зыян келтирилген видео табылган. Текшерүү көрсөткөндөй, 25-декабрда саат 20:00 чамасында Ленин жана Константиновка айылдарынан келген жаштардын ортосундагы үй-бүлөлүк чырдан улам мушташ болгон. Андан кийин Ленин айылынан келген жаштар Константиновка кире беришинде жол белгилерин бузуп кетишкен.
Бул окуя Аламудун районунун ИИБинде катталып, Кыргыз Республикасынын Кылмыш-жаза кодексинин 280-беренеси "Хулигандык" боюнча кылмыш иши козголду. Полиция чырдын бардык катышуучуларын аныктап, аларды ИИБге алып келип, териштирүү жүргүзүүдө.
Алып келингендер жашы жете элек болгондуктан, алар ата-энелеринин камкордугуна өткөрүлдү.
