Чүй облусунун Ички иштер башкармалыгынын маалымат кызматы берген маалыматка ылайык, окуя 25-декабрда саат 20:00дө болгон.
Милициянын маалыматы боюнча, конфликт эки айылдын жаштарынын ортосунда үй-бүлөлүк себептерден улам чыккан. Кийинчерээк Ленин айылынан келген жаштар Константиновка кире бериштеги бурулушта өз оппоненттери менен жолугушуу үчүн чогулушкан, ошол жерде айылга кире бериштеги белгини бузушкан.
Окуя боюнча маалымат Аламудун районунун Ички иштер бөлүмүндө катталган. Бул факт боюнча Кыргыз Республикасынын Кылмыш-жаза кодексинин 280-беренеси, «Хулигандык» боюнча кылмыш иши козголгон.
Коомдук коопсуздук кызматкерлери окуяга катышкан бардык адамдарды аныкташкан. Жаш өспүрүмдөр ички иштер бөлүмүнө жагдайларды аныктоо үчүн жеткирилген, андан кийин алардын жашын эске алып, ата-энелеринин камкордугуна берилген.
Териштирүү уланууда.
