Келип түшкөн арыздын негизинде Кыргыз Республикасынын Кылмыш-жаза кодексинин 208-беренесинин 1-бөлүгү боюнча «Талап-тоноо» боюнча кылмыш иши козголду.
Оперативдик иш-чаралардын жүрүшүндө укук коргоо органдары талап-тоноого 29 жаштагы Ч.Т.нын катыштыгын аныкташты. Ал жабырлануучудан 80 миң сом алып жаткан учурда «кызыл кол» кармалды.
Кармалгандан кийин шектүү Октябрь райондук ички иштер башкармалыгынын тергөө бөлүмүнө жеткирилди жана Кылмыш-процессуалдык кодексинин 96-беренесине ылайык, Бишкек шаардык ИИБнин убактылуу кармоо жайына жайгаштырылды.
Учурда бул кылмыш иши боюнча тергөө иштери улантылууда.
