Талас районунда 37 жаштагы жергиликтүү тургун К.Б. кармалды, ал 800 миң сомдук мал уурдоого шектелүүдө. Тергөө органдары бул адам төрт мал уурдоо эпизодуна катышы бар экенин аныкташты, ал эми жабырлануучуларга келген зыян толугу менен кайтарылган.
Тергөө 30-ноябрда райондун тургуну М.К.дан төрт аттын октябрь айында жайыттан белгисиз шарттарда жоголгону тууралуу арыз алынгандан кийин башталган. Бул боюнча милиция мал уурдоого байланыштуу КРнын Кылмыш кодексинин 205-1-беренеси боюнча кылмыш ишин ачты.
Оперативдик иш-чаралардын жүрүшүндө РОВД кызматкерлери шектүү К.Б.нын жеке өздүгүн аныктап, аны кармап, убактылуу кармоо жайына жайгаштырышты. Кийинки тергөө процессинде ал дагы үч окшош кылмышка катышы бар экендиги белгилүү болду.
