Коррупцияга каршы күрөшүү алкагында Талас облусунун бир районунун прокурорунун орун басары С.К.О. тарабынан пара талап кылуу фактысы аныкталды.
ГКНБдан алынган маалыматка ылайык, С.К.О. мыйзамды катуу бузуп, кызмат абалын жеке пайдасы үчүн пайдаланып, пробацияда жана айыппулда турган соттолгондорго кысым көрсөтүп келген. Ал системалуу түрдө алардан 2000 доллар талап кылып, сот чечимдерин жокко чыгаруу жана чыныгы түрдө эркинен ажыратуу менен коркутуп келген.
С.К.О.нын бул аракеттери өлкө жетекчилигинин коррупцияга каршы күрөшүү аракеттерине олуттуу зыян келтирип, жарандардын мамлекеттик органдарга болгон ишенимин бузду.
Быйылкы жылдын 1-февралында, ГКНБнын кызматкерлери менен Башкы прокуратуранын коопсуздук камсыздоо бөлүмүнүн өкүлү тарабынан өткөрүлгөн оперативдик иш-чаралардын жүрүшүндө, С.К.О. талап кылынган суммадагы 140 000 сомдун бир бөлүгүн алып жаткан жеринен кармалды.
Учурда кармалган адам ГКНБнын убактылуу кармоо жайында, анын мыйзамсыз ишмердүүлүгүнүн башка фактыларын аныктоо жана башка кызмат адамдарынын мүмкүн болгон катышуусун иликтөө боюнча тергөө иштери жүргүзүлүүдө.
