2025-жылдын 30-декабрында кыз милицияга уурдоо боюнча арыз менен кайрылган. Ал ошол эле күнү, Ч.Айтматов проспектиндеги жогорку окуу жайлардын биринде, аудиториядан 300 миң сом, 2 миң доллар жана iPhone 15 бар сумкасынын уурдалганын билдирген.
Бул иш боюнча Кыргыз Республикасынын Жазык кодексинин 205-беренеси (Уурдоо) боюнча кылмыш иши козголгон.
Оперативдик иш-чаралардын натыйжасында 1993-жылы туулган шектүү У.Э. кармалган. Учурда ал убактылуу кармоо жайында жатат.
Тергөөнүн жүрүшүндө кармалган адамдын башка ушундай кылмыштарга катыштыгы текшерилүүдө.
