Маалыматка ылайык, 30-январда Ысык-Ата районунун милициясына 25 жаштагы Х.Д. аттуу жаран кайрылган. Ал, декабрь айынан бери А. деп өзүн тааныштырган аз таныш адам акча талап кылып, 38 миң 500 сомдук зыян келтиргенин билдирген.
Алдамчы жапа чеккен адамга алименттерди 8 миң 300 сомдон 4 миң 700 сомго чейин азайта алам деп ишендирген. Бул алдамчылык негизинде ал кайрадан акча алып, качып кеткен.
Бул факт боюнча Кыргыз Республикасынын Кылмыш кодексинин "Алдамчылык" беренеси боюнча кылмыш иши козголду.
Чүй облусунун Ички иштер башкармалыгынын сүрөтү
Оперативдүү-издөө иш-чараларынын жүрүшүндө милиция кызматкерлери шектүү К.А.ны (1996-жылы туулган) аныктап, кармашкан. Азыркы учурда ал убактылуу кармоо жайына жайгаштырылган.
Тергөө ошондой эле кылмыш жолу менен алынган бардык акчалар жигит тарабынан жеке муктаждыктарга сарпталганын аныктады. Тергөө уланууда.
