Милициянын маалыматына ылайык, ГУВДга Т. Д. аттуу жарандан арыз келип түшкөн, ал Д. А. тарабынан жасалган кылмыш тууралуу билдирген. 2024-жылдын июнь айынан сентябрь айына чейин бул адам, ишенимди утуп алып, Kia Carnival унаасын сатып алууга жардам берүү шылтоосу менен 13 миң доллар (же 1 099 147 сом) акчаны алып алган. Бирок акчаны алган соң, өз милдеттерин аткарбай качып кеткен.
Бул окуянын негизинде Кыргыз Республикасынын Кылмыш кодексинин 209-беренеси боюнча алдамчылыкка байланыштуу кылмыш иши козголду.
Бишкекте 13 миң долларлык алдамчылыкка шектелген адам кармалды.
Милиция кызматкерлеринин жүргүзгөн ыкчам-издөө иш-чараларынын натыйжасында 1994-жылы туулган Д. А.нын кайда экендиги аныкталды. Ал тергөө бөлүмүнө жеткирилди жана Кыргыз Республикасынын Кылмыш-процессуалдык кодексинин 96-беренесине ылайык Бишкек ГУВДсынын убактылуу кармоо жайына жайгаштырылды.
