Бул окуялардын натыйжасында жаш өспүрүм боюнда бар болуп калгандыгы белгилүү.
Жергиликтүү тургундар шектүүнүн туугандары келинге басым жасап, арызын кайтарып алууну жана кылмыш ишин токтотууну талап кылышканын билдиришүүдө. Муну менен жабырлануучунун туугандары оор психологиялык кыйынчылыктарды баштан кечирип, жардам сурай турган жерди билбей жатышат. Үй-бүлөнүн бир бөлүгү болгон окуяга ишенбей жатат.
Ички иштер министрлигинин басма сөз кызматында шектүүнүн өз күнөөсүн моюнуна алганын тастыкташты. Сот тарабынан аны эки айга тергөө абагына камоо чечими кабыл алынды. Териштирүү уланууда.
