23-декабрда милицияга бир аял кайрылып, эжесин табууга жардам сураган. Ал, өткөн күнү эжеси У. Б. аттуу күйөөсүнөн расмий түрдө ажырашып, жумушка кеткенин айтты.
Заявительдин айтымында, экс-күйөөсү аны жолукканда күч менен унаага салып, белгисиз тарапка алып кеткен. Бул боюнча укук коргоо органдары "Перехват" планына киришти.
Кийинчерээк, эркек аялын Бишкектин Свердлов районундагы Боконбаев көчөсүндөгү батирлердин биринде атып өлтүргөнү аныкталды.
Шектүү кармалды, учурда милиция кызматкерлери болгон окуяны тергеп жатышат.
Кийин Бишкек ШИИБи окуя тууралуу 23-декабрда саат 21:00 чамасында "102" кызматына телефон чалуу түшкөндө маалым болду. Укук коргоочулардын маалыматына ылайык, У. Ж. (1978 ж. туулган) менен У. Б. (1977 ж. туулган) ортосунда ажырашкан соң талаш-тартыш болуп, эркек экс-жубайына МР-79 маркасындагы катталган травматикалык тапанча менен ок аткан. Ал алган жаракаттарынан аял каза болду. Шектүү боюнча кылмыш иши козголуп, ал кармалып, Бишкек ШИИБинин ИВСинде жатат. Тергөө уланууда.
Сүрөт негизги иллюстрация.
