Ведомствонун маалыматына ылайык, 2016-жылы Россияда болгон киши өлтүрүү боюнча кылмыш иши Кыргызстандагы укук коргоо органдарына өткөрүлүп, 2025-жылдын 3-декабрында Кадамжай РОВДсына катталган.
Тергөөнүн жыйынтыгы боюнча, Кадамжай районунда жашаган С.А. аттуу жаран, Москва облусунда болгон конфликт учурунда 1973-жылы туулган Т.Ж. аттуу эркекке бычак менен жаракат берип, анын өлүмүнө себеп болгон.
Россиянын тергөө органдары шектүүнүн күнөөсүн тастыктаган соң, иш эл аралык конвенцияга ылайык Кыргызстанга жөнөтүлгөн.
Кадамжай РОВДсынын кылмыш иликтөө бөлүмүнүн кызматкерлери оперативдүү иш-чараларды өткөрүп, натыйжада С.А. кармалган. Ал убактылуу кармоо жайына жайгаштырылган, пресс-релизде маалымдалган.
Учурда тергөө иштери уланууда.
