Маалыматка ылайык, 2025-жылдын 29-октябры күнү Жайыл районунун Ички иштер бөлүмүнүн кызматкерлери, аңчылык коомчулугунун өкүлдөрү менен биргеликте рейд өткөрүшүп, браконьерлик менен алектенген адамдарды аныкташкан. Алардан уруксат берүүчү документтери жок ок атуучу куралдар табылган.
Ошондуктан, 2026-жылдын 2-февралында Кыргыз Республикасынын Кылмыш-жаза кодексинин 267-беренеси боюнча "Куралды, ок-дарыларды мыйзамсыз жүгүртүү" боюнча кылмыш иши козголгон.
Шектүүлөр, 1988-жылы туулган - М. М. жана К. Р., 16-февралда кармалып, убактылуу кармоо жайына жайгаштырылды. Тергөө уланууда.
