Айрыкча, С.У.У. (карыз алуучу) ээлик кылган турак жай кайрадан анын ээсине кайтарылды. Мындан тышкары, 10 жаран мурда кепилдикке берилген мүлкү боюнча документтерин кайтарып алышты.
Ошондой эле, ломбарддын жетекчилиги 2024-жылдын жайынан азыркы убакка чейин эсептелген жылдык 30 пайыздан ашкан суммаларды карыз алуучуларга кайтаруу ниетин билдирди. Жарандар пайда болгон маселелерди чечүү үчүн белгиленген тартипте ломбардга кайрылышы мүмкүн.
Уюм жабыр тарткан бардык адамдардан кечирим сурап, келечекте Кыргыз Республикасынын мыйзамдарынын чегинде катуу иш алып бара турганына убада берди.
