Пресс-борбордун маалыматына ылайык, 4-апрелде 2004-жылы төрөлгөн Н.Д. тез жардам кызматы аркылуу Лейлек районунун жалпы дарыгерлик практика борборуна жеткирилген.
Пациенттин абалы критикалык болуп, аны Лейлек дарыгерлик жардам борборуна шашылыш которуштуруп, реанимация бөлүмүнө жаткырышты.
Ага жабык череп-ми жаракаты, оор баш мээ уюлдугу жана субарахноиддик кан кетүү диагнозу коюлду.
Аскер кызматкери оор абалда: президент кырдаалды жеке көзөмөлгө алды Аскер кызматкери оор абалда: президент кырдаалды жеке көзөмөлгө алды
Президент Садыр Жапаров жабыркаганга медициналык жардам көрсөтүү маселесин көзөмөлгө алды. Саламаттык сактоо министрлигине аскер кызматкерин атайын медициналык мекемелерге өткөрүү мүмкүнчүлүгүн камтыган бардык зарыл аракеттерди көрүү тапшырылды.
Шашылыш тартипте дарыгерлердин консилиумдары жана травматологдор, невропатологдор жана нейрохирургдардын катышуусунда алыстан консультациялар уюштурулду. Ош шаарынан санитардык авиация аркылуу нейрохирург жана анестезиолог-реаниматолог келип, атайын жардам көрсөтүп, хирургиялык кийлигишүүгө катышты.
Учурда пациенттин абалы өтө оор деп бааланууда, ал жасалма дем алдыруу аппаратына туташтырылган жана медициналык жардам толук көлөмдө көрсөтүлүүдө.
Бүгүн профилдик адистер менен кошумча консилиумдун жыйыны пландалган. Пациентти үчүнчү деңгээлдеги мекемелерге кийинки дарылоо үчүн өткөрүү маселеси анын абалы стабилдешкенде каралат.
Жабыркаганды транспорттоо учурда медициналык көрсөтмөлөр менен чектелген жана анын абалы жакшырып калганда гана мүмкүн болот.
