Аял арыктан стационардан үч чакырым алыстыкта табылды
Индом айылындагы психоневрологиялык стационардык мекемеден жоголгон Наталья Геннадьевна Денисенконун денеси акыркы жолу болгон жеринен үч чакырым алыстыкта жайгашкан арыктан табылды. Бул тууралуу Чүй облусунун Ички иштер башкармалыгынын маалымат кызматынан билдиришти.
Ведомствонун маалыматына ылайык, 2025-жылдын 23-октябрында психдиспансердин директору Жайыл районунун ОВДсына пациенттин жоголгону тууралуу арыз менен кайрылган. 1-топтогу майып аял ошол күнү саат 12:45 чамасында жоголгон.
Окуя болгон жерге тергөө-оперативдик топ жөнөтүлдү.
«Мекемеде ошол учурда 250 пациент болгон. Курулуш иштеринин жүргүзүлүшүнө байланыштуу, оорулуу адамдар убактылуу үчүнчү кабатка көчүрүлгөн. Персонал Денисенко Н.Г.нын жоктугун 12:30 чамасында аймакта сейилдөө учурунда байкашкан. 26-октябрда издөө иштеринин жүрүшүндө анын денеси Индом айылынан батышта жайгашкан арыктан табылды. Сырттан текшерүү учурунда эч кандай дене жаракаттары аныкталган жок», - деп билдиришти ГУВДдан.
Соттук-медициналык экспертиза анын өлүмүнүн себеби катары батууну жана муздап калууну белгиледи.
«Тергөө иши уланууда, соттук экспертизалар дайындалды. Жыйынтыктар боюнча Кыргыз Республикасынын мыйзамдарына ылайык чечим кабыл алынат», - деп кошумчалашты милициядан.
Сүрөт www
