Баткендеги Жаны-Достук айылында курулуш иштеринин жүрүшү активдүү байкалууда. Курулуш министрлигинин маалыматына ылайык, бул айылда кыргыз-тажик чек арасын делимитациялоонун натыйжасында көчүрүлгөн тургундар үчүн маанилүү социалдык объектилер курулууда.
Министрликтин кызматкерлери курулуш нормалары жана стандарттарын сактоону көзөмөлдөө үчүн чыгып текшерүүлөрдү жүргүзүшүүдө.
Учурда жеке турак жай үйлөрүнүн курулушу аяктады, ошондой эле мектеп, бала бакча жана фельдшер-акушердик пунктун куруу иштери уланууда, расмий билдирүүдө белгиленген.
Мындан тышкары, айылда инфраструктураны жакшыртуу иштери, асфальт төшөө жана канализация менен ичүүчү суу системаларын орнотуу жүргүзүлүүдө.
Текшерүүлөрдүн учурунда курулуш иштеринин сапатына, ошондой эле коопсуздук нормалары жана техникалык талаптардын сакталуусуна басым жасалууда.
