Ички иштер министрлигинин күзөт кызматы күчөтүлгөн режимге өтүүдө. Бул чаралар жол кыймылынын катышуучуларын коргоо жана жүк ташуу менен байланышкан укук бузууларды алдын алуу максатында кабыл алынган, деп билдирет Ички иштер министрлигинин маалымат кызматы.
Кызматкерлер айдоочуларга, жеңил жана жүк унааларына, айрыкча кыйын аба ырайы жана тоо рельефинин өзгөчөлүктөрү менен байланышкан жогорку коркунучтуу участкаларда колдоо көрсөтүшөт.
Негизги милдеттердин бири жүктөрдүн ташылып жаткан учурдагы коопсуздугун камсыздоо.
Ош - Эркештам трассасында уурулук, мүлктүн зыянга учурашы жана башка укук бузууларды алдын алуу максатында туруктуу мониторинг жүргүзүлүүдө."Белгиленген келишимдик милдеттенмелерге ылайык, бөлүм мамлекеттик, муниципалдык жана жеке объекттерди, ошондой эле кыймылдуу жана кыймылсыз мүлктү куралдуу күзөтүүгө укуктуу, - деп айтылат билдирүүдө. - Эгер транспорт каражаты бузулса, жүк да күзөттө болот, бул жүк ташуучулар тарабынан ишенимдин жогорулашына жана мүлктүн кошумча корголушуна жардам берет".
