Кыргыз Республикасынын Су ресурстары, айыл чарба жана кайра иштетүү өнөр жайы министрлиги белгилүү бир мөмө-жемиш өсүмдүктөрүнүн көчөттөрүн импорттоого убактылуу чектөөлөрдү киргизүү ниетин жарыялады.
Министрликтен маалымдашкандай, бул чаранын зарылдыгы өлкөдөгү мөмө-жемиш өсүмдүктөрүнүн сортторунун ассортиментинин көбөйүшү менен байланыштуу. Бул учурда заманбап, сапаттуу сорттордун өнүгүшүнө шарт түзөт, экспорттук рыноктун талаптарына жооп берет.
Ошондуктан, белгиленген стандарттарга жооп бербеген төмөнкү сапаттагы көчөттөрдүн импортуна тыюу салынат.
Жаңы эрежелерге ылайык, 2026-жылдын 1-январынан баштап, айрым сорттогу көчөттөрдүн импортун алты айга убактылуу токтотуу пландалууда. Бул чектөө кайра экспорт, транзит жана ЕАЭБ чегиндеги ички соодага тиешелүү болбойт.
«Бул демилге азык-түлүк коопсуздугун камсыз кылууга, айыл чарба өндүрүшүнүн натыйжалуулугун жакшыртууга жана импорттолгон көчөттөрдүн сапатын контролдоого багытталган», - деп белгиленет ведомствонун билдирүүсүндө.
Мындан тышкары, киргизилген чектөөлөр импортко болгон көзкарандычылыкты азайтууга, жергиликтүү питомниктерди сертификатталган көчөттөрдү өндүрүүгө стимулдаштырууга жана фермерлерди сапаттуу материалдар менен камсыз кылууга мүмкүндүк берет.
