Мэрдин айтымында, ар бир жылуулук берүүчү жабдык 10 мегаватт кубаттуулукка ээ жана табигый газда иштейт. Жабдуулар бардык зарыл сыноолордон өтүп, пайдаланууга даяр.
«Бул жабдуулардын баасы чет өлкөлүк өндүрүүчүлөрдүн аналогдоруна караганда 3-4 эсе төмөн, бирок сапат боюнча кем эмес. Жабдуулар автономдуу иштейт жана Бишкек ТЭЦине көз каранды болбойт», — деп белгиледи Аскат Алагозов.
Мындан тышкары, бул жабдууларды колдонуу жылуулук жоготууларын азайтууга жана жылуулук камсыздоо системасында бир гана объектке көз карандылыкты жоюуга мүмкүндүк берет.
Видеосунда Айбек Джунушалиев учурда 13төн 14 миң колдонуучуга жылуулук берүүчү алты казан даяр экенин да белгиледи.
