Чүй облусунда 111 миллион сомдон ашык баага ээ социалдык объект мамлекетке кайтарылды. Бул тууралуу Кыргыз Республикасынын Башкы прокуратурасынын маалымат кызматынан маалымдалды.
Маалыматка ылайык, Аламудун районунда жайгашкан «Алтын калач» бала бакчасынын имараты жана 1 гектар аянттагы жер тилкеси узак убакыт бою жеке адамдар тарабынан муниципалдык мүлктү пайдалануу жана ээлик кылуу нормаларын бузуу менен колдонулуп келген. Бул муниципалдык баланс боюнча тиешелүү каттоосуз жана эсепке алусуз болуп келген.
«Прокурордук кийлигишүүнүн натыйжасында бала бакчанын имараты жана 111 млн 93 миң сомго бааланган жер тилкеси мамлекеттик менчикке кайтарылды», - деп айтылат маалыматта.
