Бул маалыматты Ош шаардык прокуратурасынын улук прокурору Бекжан Бердибеков билдирди.
Анын билдирүүсүнө ылайык, 2025-жылдын биринчи тогуз айында Ош шаардык прокуратурасы ички иштер башкармалыгы менен биргеликте коррупциялык кылмыштар боюнча 52 кылмыш ишин козгоду. Учурда бул иштердин бир бөлүгү сотко өткөрүлдү, ал эми башка иштер боюнча тергөө иштери уланууда.
«Тамамдалган иштер боюнча мамлекетке 25 миллион сомдон ашык акча түрүндө, ошондой эле 5 миллион сомдон ашык товар түрүндө кайтарылды. Жооптуу адамдарга учурдагы мыйзамдарга ылайык кылмыш жоопкерчилигине тартуу боюнча чаралар көрүлдү», — деп айтылат маалыматта.
