Башкы прокурор Максат Асаналиев Ала-Бука районунун жаңы прокуратура имаратын расмий түрдө ачты.
Иш-чарада ар кандай мамлекеттик структуралардын, укук коргоо органдарынын өкүлдөрү жана журналисттер катышты.
Ал бул имараттын ачылышы коомдогу мыйзамдуулукту жана адилеттүүлүктү бекемдөө үчүн маанилүү кадам экенин белгиледи. «Бул объекттин ишке кириши — жаңы жайларды өткөрүп берүү гана эмес, биздин коомдогу мыйзамдуулукту жана адилеттүүлүктү жогорулатуу багытында маанилүү кадам. Бул өлкө жетекчилигинин натыйжалуу ишинин натыйжасында мүмкүн болду», — деди башкы прокурор.
Жаңы административдик имарат заманбап стандарттарга жооп берет, кызматкерлерге иштөө үчүн ыңгайлуу жана коопсуз шарттарды камсыз кылат. Ошондой эле жарандарды кабыл алуу үчүн ыңгайлуу жана жеткиликтүү жайлар каралган. ```
