Синоптиктердин маалыматына ылайык, Кыргызстанда 8-10-декабрь күндөрү аба ырайынын кескин өзгөрүүлөрү күтүлүүдө: айрым жерлерде кар жаап, ошондой эле күчтүү жаан-чачын болушу мүмкүн.
Мындан тышкары, 10 жана 11-декабрда абанын температурасы кескин төмөндөйт:
- Чүй жана Талас өрөөндөрүндө түнкүсүн температура -12…-17° чейин төмөндөп, күндүз -4…-9° чегинде болот;
- Ош, Жалал-Абад жана Баткен облустарынын өрөөндүк зонасында түнкүсүн -4…-9°, күндүз температура -4төн +1°га чейин өзгөрөт;
- Ысык-Көл чөлкөмүндө түнкүсүн температура -12…-17°, күндүз -5…-10° болот;
- Нарын облусунда, айыл чарба зонасында, түнкүсүн температура -18…-23°га чейин жетиши мүмкүн, күндүз -6…-11°;
- Республикабыздын тоо этектеринде түнкүсүн -14…-19°, күндүз -5…-10° күтүлүүдө;
- Тоолуу райондордо түнкүсүн температура -17…-22° чейин төмөндөп, күндүз -7…-12° болот;
- Суусамыр өрөөнүндө жана бийик тоолуу зоналарда түнкүсүн температура -28…-33° чейин, күндүз -10…-15° болот.
Бул туруксуз аба ырайы энергетикалык, коммуналдык жана байланыш кызматтарынын ишине көйгөйлөрдү жаратышы мүмкүн. Күчтүү жаан-чачын учурунда жолдордо көрүнүш начарлап, автотранспорттун кыймылына кыйынчылык жаратышы мүмкүн.
Эзил: Кабар
