Вице-мэр Рамиз Алиев шаардагы арык тармагынын жалпы узундугу 410 километрди түзөрүн жана анын болжол менен 100 километринин абалы начар экенин, жаңыланууга муктаж экенин билдирди.
«Биз борбордун арык системасынын жайгашкан жерин көрсөткөн санариптик карта иштеп чыктык жана алмаштырууну же жаңы тартууну талап кылган участокторду аныктадык», — деп кошумчалады ал.
Өз кезегинде депутат Казыбек Эргешов жаан-чачын жана кардын эриши менен көчөлөрдүн суу менен капталышына байланыштуу нааразычылык билдирди. «Суулар арык тармагынын жетишсиздигинен улам дарыядай агып жатат. Шаардыктар бул боюнча дайыма нааразы болушат», — деди ал.
