«Новопавловкадагы полигон жабылганына карабастан, азыр башка аймак таштандыга айланып жатат. Ар күнү мен тургундардан кайрылуулар жана видео алам. Фермерлердин жерлери таштанды таштоочу жайга айланууда», - деди ал.
Абышев ошондой эле муниципалдык инспекциянын иши жана видеокөзөмөл камераларын орнотуу боюнча маалыматтын жоктугуна тынчсыздануусун билдирди. «Кимдир бирөөнү айыптап жатканын уккан жокмун. Чүй каналынын жээги жана фермерлердин жерлери булганууга дуушар болууда», - деп кошумчалады ал.
Бул боюнча «Тазалык» мекемесинин орун басары Бааркан Асанбаева, аймакта көзөмөл үчүн төрт видеокөзөмөл камерасы орнотулганын билдирди.
Депутат фермерлердин иши ноябрь айында аяктай турганын жана алардын жоктугунда участкалар таштанды жайына айлануусунан коркуп жатканын белгиледи.
Ленин районунун ЖКХ, курулуш жана транспорт боюнча орун басары Жоомарт Токтосунов, мурда Тынчтык конушунун төмөн жагында жайгашкан санитардык полигонду жабуу боюнча чечим кабыл алынганын маалымдады. Акимиат «Тазалык» менен биргеликте аймакты тосуу жана жабуу боюнча иштерди жүргүздү. Ошондой эле тургундар арасында түшүндүрүү иштерин жүргүзүүдө.
«Бирок, өкүнүчтүүсү, түнкү убакта адамдар таштанды ташып жатышат. Бул маселе боюнча акимиат муниципалдык инспекция менен биргеликте көзөмөлдү күчөтүүдө», - деп түшүндүрдү Токтосунов.
Видеокөзөмөл камераларын орнотуу боюнча акимиаттын өкүлү, бул күнү «Тазалык» менен сүйлөшүүлөр пландалганын билдирди.
